Dijon vann Vesturdeildina í Bikarkeppni Evrópu
Það voru andstæðingar okkar frá Dijon í Frakklandi sem unnu Vesturdeildina í Bikarkeppni Evrópu um síðustu helgi, eftir hörkuleik gegn Club Athletico Queluz frá Portúgal í úrslitum. Leikurinn endaði 126-115 eftir framlengingu og fóru bakverðirnir snjöllu, Morlendes, sá ungi franski, og Barret, sá kanadíski, á kostum, skoruðu um 30 stig hvor.
Hinir frönsku félagarnir okkar, Hyeres-Toulon, urðu í 3ja sætinu eftir sigur á Ovarense 80-74. Með sigri sínum tryggði Dijon sér þátttöku í loka-úrslitum keppninnar (Pan-European Final Four) sem leikin verða 27. og 28. mars.
Leikirnir verða þessir:
- Mitteldeutscher BC (ÞÝS) v. Dynamo Moscow Region (RUS)
- Tuborg Pilsener (TUR) v. JDA Dijon (FRA)
Tilkynnt verður í næstu viku hvar leikið verður.
