Ert þú búinn að leggja pakka undir tréið ?

Körfuknattleiksdeild Keflavíkur vill minna félagsmenn og velunnara deildarinnar að láta gott af sér leiða um þessi jól og mæta með 1-2 gjafir undir jólatréið sem staðsett er í anddyri Toyota Hallarinnar. Mikilvægt er að þær verði merktar fyrir hvaða kyn og aldur. Jólagjöfunum verður svo safnað saman seinni partinn á morgun, fimmtudag og afhentar Fjölskylduhjálp Íslands hér í Reykjanesbæ. Með þessu viljum við reyna að koma þeim sem eiga um sárt að binda til aðstoðar þessi jól.

Tökum nú höndum saman og leggjum jólasveinunum lið.
Stjórnin