Fyrsti Íslandsmeistaratitillinn þetta árið í höfn
Stelpurnar léku 4 leiki og unnu þá alla með stæl. Er þetta í fyrsta skiptið sem árgangur 1995 verður Íslandsmeistari en stúlkurnar hafa lent í öðru sæti síðustu tvö ár. Einnig skal taka fram að 8.flokkur kvenna vann alla sína leiki í vetur (16 leiki).
Leikir 1 Keflavík - Njarðvík 37-20
Byrjuðum leikin ágætlega og eftir 2 leikhluta var staðan 21-2, eftir 3 leikhluta var staðan 30-7. Áttu Njarðvíkingar aldrei möguleika eftir það. Góður sigur þrátt fyrir að spila langt frá okkar besta.
Stigaskor; Thelma 11 - Ingunn 9 - Andrea 6 - Sandra 5 aðrir minna.
Leikur 2 Keflavík - Breiðablik 52-17
Eftir erfiða byrjun þar sem Breiðablik komst í 4-0 fórum okkar stelpur í gang og völtuðu yfir annars gott lið Breiðabliks. Frábær vörn skilaði liðinu mörgum auðveldum körfum.
Stigaskor; Andrea 19 - Ingunn 13 - Thelma 8 aðrir minna.
Leikur 3 Keflavík - ÍR 64-8
Leikur kattarins að músinni, ÍR-ingar áttu aldrei möguleika í þessum leik. Eftir fyrsta leikhlutann var staðan 26-2 og augljóst í hvað stefndi. 14.stelpur fengu að spila í þessum leik og stóðu þær sig allar mjög vel. Það skal tekið fram að Keflavík lék ekki pressuvörn gegn ÍR í þessum leik.
Stigaskor; Katrín 13 - Sandra 12 - Sara 12 - Andrea 8 - Ingunn 6 aðrir minna.
Leikur 4 Keflavík - Grindavík 40-20 (Úrslitaleikur)
Úrslitaleikur þar sem bæði höfðu unnið alla sína leiki. Leikurinn var í járnum fram að leikhléi þar sem staðan var 14-10 fyrir Keflavík. Strax í 3 leikhluta tóku okkar stelpur góða rispu og komust í 28-16 og áttu Grindvíkingar engin svör eftir það. Í 4 leikhluta spiluðu okkar stelpur mjög grimma vörn og kláruðu leikinn með stæl 40-20.
Stigaskor; Sara 13 - Andrea 8 - Ingunn 7 - Thelma 4 - Sandra 4 - Elínora 2 - Katrín 2.
kv. Einar Einars
Myndir frá leikjunum eru á heimasíðu stúlknanna.
