Gamlir félagar í Frakklandi

Á miðvikudaginn síðastliðinn hófst Pro A deildin í Frakklandi.  Tveir fyrrum leikmenn Keflavíkur, þeir Nick Bradford og Anthony Glover,  leika í þessari deild eins og fram hefur komið.  Það er skemmst frá því að segja að frumraunum þeirra lauk með ósigri hjá þeirra liðum. 

Liðið hans Nick, Reims, tapaði á útivelli fyrir Pau-Orthez og skoraði Nick 2 stig á 15 mínútum.

Liðið hans Tony, Brest, tapaði á heimavelli fyrir Le Mans 82-92.  Tony skoraði 13 stig í leiknum og tók auk þess 10 fráköst.  Hann var með 55,6% skotnýtingu í leiknum.

Næstu leikir hjá þeim félögum er á morgun, laugardag, og munum við hér á heimasíðunni fylgjast með og segja fréttir af úrslitum í þeim leikjum.