Golfmót körfuboltamanna 13. júní

KKÍ minnir á golfmót körfuboltamanna föstudagurinn 13.júní kl. 14:00 á golfvellinum í Leiru hjá Golfklúbbi Suðurnesja. Mótið er ætlað öllum þeim sem einhvern tíma hafa komið nálægt körfubolta sem leikmenn, dómarar, stjórnarmenn eða á einhvern hátt og eru að fikta við golfið.

Leiknar verða 18 holur, punktakeppni með og án forgjafar þar sem gefin hámarksforgjöf verður 24 hjá körlum og 28 hjá konum.

Þetta er í sjötta sinn sem mótið fer fram og hefur þátttakan vaxið jafnt og þétt, voru um 50 í fyrra. Stefnt er að ræsa alla út í einu svo keppendur ljúki leik á svipuðum tíma og geti því átt góða stund í golfskála að leik loknum og rifjað upp gamlar og nýjar stundir. 

Skráningu lýkur kl. 22:00 fimmtudaginn 12.júní. Þeir ykkar sem ekki hafið skráð ykkur, vinsamlegast gerið það tímanlega.

Skráning og nánari upplýsingar veitir Ríkharður Hrafnkelsson, GSM: 897-6279,
Netfang: rikhardur@sfs.is