Jólagjafir fyrir þurfandi
Körfuknattleiksdeild Keflavíkur hefur ákveðið að láta gott af sér leiða um þessi jól og ætlum við að vera með söfnun á jólagjöfum. Jólatré sem staðsett er í anddyri Toyota Hallarinnar mun taka á móti jólagjöfum frá velunnurum, en mikilvægt er að þær verði merktar fyrir hvaða kyn og aldur. Jólagjöfunum verður svo safnað saman rétt fyrir jól og mun Fjölskylduhjálp Íslands hér í Reykjanesbæ fá gjafirnar afhendar. Með þessu viljum við reyna að koma þeim sem eiga um sárt að binda til aðstoðar þessi jól.
Vonum að stuðningsmenn taki vel í þennan gjörning okkar og mæti með 1-2 gjafir undir tréð.
Kveðja,
Stjórnin
