KEF-karlar mæta ÍR á heimavelli og KEF-konur mæta Grindavík á útivelli í undanúrslitum bikarsins
Fyrr í dag var dregið í undanúrslitum Bikarkeppni KKÍ og Doritors. Eftirfarandi leikir komu upp úr pottinum:
KONUR:
- ÍS - Haukar
- Grindavík - Keflavík
KARLAR:
- Snæfell - Hamar
- Keflavík - ÍR
Leikirnir verða um næstu helgi, nákvæm tímasetning verður tilkynnt síðar í dag eða á morgun. Fyrir höndum eru erfiðir leikir, en óskin okkar er auðvitað sú að liðunum takist báðum að komast í Höllina, en úrslitaleikurinn verður þann 8. febrúar næstkomandi. Stúlkurnar verða að teljast sigurstranglegar miðað við frammistöðuna í vetur, en drengirir þurfa nú að leggja ÍR-inga, en það tókst ekki í fyrstu tilraun í Seljaskóla fyrir jól. Nú er tækifæri á að bæta fyrir þann ósigur og tryggja þátttöku í úrslitunum. Ekkert er þó gefið í þessum málum, eins og við vitum, og mikil spenna framundan.
