Keflavík - Tindastóll mætast: Úrslitakeppnin fer á fullt

Nú er komið af veislunni sem allir hafa beðið eftir, sjálf úrslitakeppnin! 

Keflavíkingar enduðu deildarkeppnina í 3. sæti, betur en fróðustu menn þorðu að spá þeim og tryggðu sér þannig heimavallarétt fyrir úrslitakeppnina. Andstæðingur Keflavíkur þetta árið er Tindastóll og fer leikur eitt fram á fimmtudagskvöldið kl 19:15 í TM höllinni. Sérfræðingar reikna með því að þetta verði ein harðasta rimman af þeim öllum og reikna má með miklum tilþrifum og rosalegri stemmningu. 

Ofurstuðningsmaðurinn Joey D fer fyrir rosaleug peppi á Snapchat aðgangi Keflavíkur og hvetjum við alla til að fylgja kefkarfa á Snapchat.

Hamborgararnir verða á sínum stað svo fólk þarf ekki að hafa áhyggjur af kvöldmatnum. 

Mætum og styðjum liðið okkar til sigurs, þetta er veislan sem við höfum beðið eftir í allan vetur. Keflvíkingar leika í hvítum búningum og því eru allir stuðningsmenn hvattir til að mæta í hvítu. 

Áfram Keflavík!