Keflavík framlengir við Andra, Hafliða og Ragnar

Á meðan Keflavíkurstúlkur heyja baráttuna um Íslandsmeistaratitilinn er karlaliðið að hefja undirbúning fyrir næsta tímabil. Liður í því er að framlengja samning við þá leikmenn sem leikið hafa með liðinu. Þegar hafði verið framlengt við Darrel Lewis en í gær var gengið frá framlengingu við Andra Daníelsson, Hafliða Má Brynjarsson og Ragnar Gerald Albertsson en allir eru þeir á tuttugasta aldursári.

Frekari frétta er að vænta á næstu dögum og vikum en stjórn KKDK vinnur nú hörðum höndum að því að klára hin ýmsu mál.

Mynd: Hermann Helgason, formaður KKDK ásamt þeim Andra, Hafliða og Ragnari. Eins og sjá má skein sælan úr andlitum kappanna við tilefnið.