Keflavík-KR í Lengjubikar kvenna í kvöld

Lengjubikar kvenna heldur áfram í kvöld þegar KR heimsækir Toyotahöllina í 3. umferð í B-riðils og hefst leikurinn á hefðbundnum tíma kl. 19.15.

Keflavíkurstúlkur hafa unnið báða leiki sína í riðlinum til þessa en þær sigruðu lið Njarðvíkur í fyrstu umferð 94-64 og Stjörnuna í annarri umferð 77-50.

Lið KR er einnig búið að vinna báða leiki sína til þessa, Njarðvík á útivelli og Grindavík á heimavelli, þannig að leikurinn í kvöld gæti mjög líklega verið úrslitaleikur um það hvort liðið fari í úrslitaleik keppninnar við sigurvegara A-riðils.

Lokaumferð riðilsins verður síðan á laugardag þegar Keflavík heimsækir Grindavík kl. 16.30 í Röstinni.