Keflavík leikur gegn dönsku meisturunum Bakken Bears, franska liðinu Reims og Madeira frá Portúgal í FIBA Bikarkeppni Evrópu
Eins og glöggir lesendur hafa séð þá var dregið og raðað í riðla í Fiba Bikarkeppni Evrópu í München s.l. laugardag. Vegna þess hvernig liðin 33 raðast á deildir (Vestur, Mið, Norður og Suður) þá hafa Vestur og Miðdeildir verið sameinaðar, en þar leika 12 lið í þremur riðlum.
A-riðill
- Keflavik
- Reims Champagne, Frakklandi
- Bakken Bears, Danmörku
- CAB Madeira, Portúgal
Í hinum tveimur riðlunum leika átta lið frá Sviss, Portúgal, Ungverjalandi, Tékklandi og Slóvakíu. Af þessum 12 liðum munu 8 komast áfram í keppninni, tvö efstu liðin í hverjum riðli og þau tvö stigahæstu af þeim sem eftir eru. Þannig gefa eingöngu tvö efstu sætin örugglega rétt á framhaldi.
Telja má líkur Keflavíkur a.m.k. þokkalegar, ef mark er tekið á árangrinum í fyrra. Þó er ljóst að Reims er afar sterkt lið, ekki ósvipað Dijon, og einnig eru Bakken Bears sterkir, en þeir hafa nánast verið einráðir í danska körfuboltanum :á liðnum árum.
Leikjum hefur verið raðað niður sem hér segir:
- 3. nóv. Keflavík – Reims
- 10. nóv. Keflavík – Madeira
- 18. nóv. Keflavík – Bakken Bears
- 23. nóv. Reims – Keflavík
- 7. des. Bakken Bears – Keflavík
- 9. des. Madeira – Keflavík
Meira verður sagt frá andstæðingum okkar þegar nær leikdögum færist, en nánari upplýsingar má fá á heimasíðu keppninnar.
