Keflavík leikur til úrslita í 9.flokki og Stúlknaflokki í dag
Í dag dregur til tíðinda á fyrri úrslitahelgi Íslandsmóts yngri flokka, en þá verða leiknir fjórir úrslitaleikir um Íslandsmeistaratitil sem allir fara fram í Njarðvík þar sem fyrri úrslitahelgin fer fram.
Keflavík er búið að tryggja sér sæti í tveimur af þessum leikjum. Klukkan 11.00 leikur 9. flokkur stúlkna gegn Haukum sem unnu í gær Tindastól 52-39 meðan Keflavík lagði Breiðablik örugglega 60-28 í undanúrslitum.
Klukkan 15.00 verður síðan stórkostleg nágrannarimma þega Keflavík og Njarðvík mætast í Ljónagryfjunni en í undanúrslitaleikjum þessara liða á föstudagskvöld lagði Keflavík sameiginlegt lið KFÍ/Tindastóls 78-41og Njarðvíkurstúlkur lögðu Val með ótrúlegum tölum 101-99.
Íslandsmeistadagskrá körfuboltaveislunnar í Njarðvík í dag er annars svona;
9. fl. stúlkana, Keflavík - Haukar kl. 11.00
10.fl. drengja, Njarðvík - Grindavík kl. 13.00
Stúlknaflokkur, Njarðvík - Keflavík kl. 15.00
Drengjaflokkur, Njarðvík - Stjarnan kl. 17.00
Hægt verður að fylgjast með öllum leikjunum í beinni tölfræðilýsingu á kki.is og jafnframt eru beinar útsendingar á netinu á Sport TV.
