Keflavík mætir Val í kvöld í Vodafonehöllinni

Keflvíkingar halda í borg óttans í kvöld er þeir mæta Val í 4. umferð Domino´s deildar karla. Leikurinn hefst kl. 19.15 og er hann í Vodafonehöll þeirra Valsmanna. Liðin hafa byrjað leiktíðina með  mismunandi hætti en Keflvíkingar eru ósigraðir á toppi deildarinnar á meðan Valsmenn sitja á botninum án sigurs. Þrátt fyrir það eru Valsmenn sýnd veiði en ekki gefin og ljóst að vanmat getur komið öllum í vandræði eins og mörg dæmi eru um. 

Keflvíkingar eru hvattir til að gera sér ferð í höfuðborgina og kíkja á leikinn.

Birgir Orri Hermannsson