Keflavíkurpiltar stilla saman strengi fyrir 8-liða úrslit

Líkt og allir körfuboltaáhugamenn þekkja hefjast 8-liða úrslit Domino´s deildarinnar á fimmtudaginn 21. mars. Keflvíkingar mæta þar Stjörnunni en fyrsti leikurinn er kl. 19.15 í Garðabæ. Þessa dagana eru Keflvíkingar að stilla saman strengi sína og eru æfingar liðsins farnar að bera þess glögg merki. Strákarnir gerðu sér glaðan dag í gær og fóru saman í bíó í boði Sambíóanna í Keflavík.

Myndin sem fylgir fréttinni var tekin af leikmönnum liðsins þegar þeir kíktu í bíó í gærkveldi. Eins og sjá má er úrslitakeppnisneistinn kominn í augu manna.