Keflavíkurstúlkur hefja nýtt ár í Hafnarfirði

Fyrsti leikur Keflavíkurstúlkna í Domino´s deildinni á nýju ári verður nk. sunnudag, 5. janúar, þegar þær mæta Haukum í Schenker-Höllinni í Hafnarfirði. Keflavík er sem stendur í 2. sæti deildarinnar með 20 stig en fast á hæla þeirra koma Haukar með 18 stig. Má því gera ráð fyrir spennandi leik. 

Keflvíkingar eru hvattir til að leggja leið sína í Hafnarfjörðinn og hvetja gestina dyggilega en nýta má tækifærið í leiðinni til að skoða álverið í Straumsvík því einhver bið virðist vera á því að álver okkar Keflvíkinga rýsi...