Keflavíkurstúlkur loks með sigur eftir nokkra tapleiki í röð

Keflavík sigraði Grindavík 73:59 í TM-höllinni í kvöld í Domino´s deild kvenna. Keflavík leiddi nær allan leikinn og segja má að sigurinn hafi aldrei verið í hættu. Bryndís Guðmundsdóttir varð fyrir því óláni að fara úr lið á þumalfingri og má búast við að hún verði frá í amk viku. Bryndís hafði farið hamförum fram að því en eftir að hún fór að velli tóku aðrar stúlkur við keflinu en í góðu liði heimastúlkna voru þær Diamber Johnson, Sara Rún Hinriksdóttir og Sandra Lind atkvæðamestar en sú síðastnefnda fór mikinn í fráköstum og tók 15 slík. Þá átti Birna Valgarðsdóttir einnig sinn besta leik frá því hún kom til baka eftir erfið meiðsli.

Tölfræði Keflavíkur;