Keflvíkingar sigruðu Njarðvíkinga

Keflvíkingar sigruðu Njarðvíkinga í grannaslagnum á föstudagskvöldi Reykjanes Cup mótsins, en leikið var í Toyota Höllinni. Lokatölur leiksins voru 92-76. Ekki var að sjá á liðunum að um létt æfingamót væri að ræða, því bæði lið lögðu allt í sölurnar og var fórnað sér í alla bolta inni á vellinum. Keflvíkingar reyndust þó sterkari á lokasprettinum. Toyota Höllin er nýgengin í gegnum endurbætur og er húsið hið glæsilegasta. Fín aðstaða verður fyrir stuðningsmenn Keflvíkinga á komandi leiktíð.