KR - Keflavík í beinni í kvöld

Í kvöld verður stórleikur í Iceland Express deild karla, en þá skella Keflvíkingar sér í Vesturbæinn og etja kappi við KR-inga. Bæði lið eru jöfn að stigum eftir 4 leiki, með 3 sigra og 1 tapleik. Það verður virkilega fróðlegt að sjá hvernig útkoman úr leiknum í kvöld verður, en KR-ingar urðu fyrir mikilli blóðtöku fyrir þetta tímabil líkt og Keflvíkingar.

Leikurinn hefst kl. 19:15, en þess má geta að hann er í beinni útsendingu á visir.is. Um nýjung er að ræða og mun Valtýr Björn Valtýsson lýsa leiknum. Stefnt er að því að leikurinn verði sendur út í bestu mögulegu gæðum og hefst útsending skömmu fyrir leik.

Steven Gerard verður í eldlínunni í kvöld.