Lokahóf yngri flokka á miðvikudag kl. 18.00

Lokahóf yngri flokka fer fram í TM höllinni miðvikudaginn 14. maí kl. 18.00.  Þar verða iðkendum veittar viðurkenningar fyrir góðan árangur og iðjusemi á leiktíðinni sem nú er að enda, auk þess sem farið verður yfir tímabilið í heild sinni og það starf sem unnið hefur verið í vetur. "Grillararnir" verða á sínum stað og allir gestir og gangandi pulsaðir á alla kanta samkvæmt venju. 

Árangur yngri flokka Keflavíkur var annars sérlega glæsilegur líkt og mörg undanfarin ár og verður honum gertð frekari skil hér á heimasíðunni á næstu dögum.

ALLIR iðkendur eru hvattir til að fjölmenna og FORELDRAR og aðrir áhugasamir aðstandendur eru MEIRA en rúmlega VELKOMNIR. 

Hófinu lýkur um kl.18.50.

Barna- og unglingaráð Körfuknattleiksdeildar Keflavíkur.

Myndtexti: Emelía, Elfa og Thelma Dís urðu þrefaldir íslandsmeistarar á dögunum með 9., 10. og Stúlknaflokki. Mynd tekin af karfan.is.