OPIÐ HÚS á lokaleik DOMINOS deildarinnar í kvöld - Mætir Dorrit ?

Í kvöld fer fram lokaumferðin í Dominosdeild kvenna og til Keflavíkur mætir lið Fjölnis sem bíður það leiðinda hlutskipti að fara niður um deild næsta árið. Þær koma vonandi tvíefldar til baka að því loknu enda eiga þær fullt erindi í efstu deild og hafa veitt Keflavíkurliðinu hörkukeppni í innbyrðisleikjum vetrarins.

Þar sem Körfuknattleiksdeild Keflavíkur er komin í páskaskapið og stelpurnar okkar nýkrýndir Deildarmeistarar, verður frítt á völlinn í kvöld og því eru allar mæður, dætur, ömmur, systur, frænkur, frændur, afar, feður, synir og systkinabörn boðin sérstaklega velkomin á völlinn.  Verður þú handleikandi páskaegg í Toyotahöllinni í kvöld ?

Leikurinn hefst á ofur klassískum tíma kl. 19.15.