Óvænt úrslit í Vesturdeildinni í Bikarkeppni Evrópu
Hér til hliðar er "hnappur" sem heitir Bikarkeppni Evrópu. Þar viljum við reyna að safna saman upplýsingum um þessa keppni sem hófst svo glæsilega í gær. En keppnin hefur sína eigin heimasíðu sem er gríðarlega skemmtileg og fróðleg með öllum upplýsingum um leikina, liðin og allan pakkann.
Hér er heimasíða Vestudeildarinnar.
Úrslit gærdagsins urðu þessi:
A-riðill
Vichy, FRA 98 - Oliveirense, POR 96
- Vichy er núna nr 13 af 18 í efstu deild eftir 5 umferðir, með liðinu æfir Pavel Ermolinski frá ÍR
- Oliveirense er núna nr. 8 af 12 í Portúgal, en eru núverandi Portúgalsmeistarar
- Áhorfendur voru 2000
Club Atletico Queluz, POR 98 - JDA Dion, FRA 89
- Queluz er nr. 4 í Portúgal eftir 6 umferðir
- Dion er enn taplaust í Frakklandi eftir 5 leiki
B-riðill
Keflavík 113 - Ovarense POR 99
- Kef er í 2.-5. sæti
- Ovarense er í efsta sæti í Portúgal
CAB Madeira - Toulon
- Þessi leikur er í kvöld
- Madeira er í 8.-11. sæti í Portúgal
- Toulon er í 9.-12. sæti í Frakklandi
Það er gaman að skoða þessi úrslit og velta fyrir sér mögleikum og styrkleika Keflavíkurliðsins. Ljóst má vera að ekki takist ávallt að hitta svona vel í 3ja stiga skotum, en með þessari baráttu og grimmd má kannski stela fleiri leikjum, amk. á heimavelli.
Athygli vekur að frönsku liðin eru ekki að bursta portúgölsku liðin. Dion tapar í Portúgal og Vichy rétt vinnur Olivarense á heimavelli fyrir troðfullu húsi. Þetta vekur upp spurningar um styrkleika deildanna. Fróðlegt verður að sjá hvernig Madeira reiðir af gegn Toulon í kvöld.
