Rimman um Reykjanesbæ
Í kvöld hefst 19. umferðin í Iceland Express deild karla með þremur leikjum sem allir hefjast kl. 19:15. Erikifjendurnir Njarðvík og Keflavík mætast í Ljónagryfjunni í rimmunni um Reykjanesbæ. Keflvíkingar eru í 4. sæti deildarinnar með 24 stig en Njarðvík hefur 16 stig í 8. sæti deildarinnar. Við hvetjum alla sanna Keflavíkinga til að fjölmenna og styðja við liðið.
