Karfa: Karlar | 26. janúar 2008

Risaslagur í Sláturhúsinu, Keflavík-Njarðvík

Það verður sannkallaður risaslagur í Sláturhúsinu á morgun, sunnudag þegar nágrannar okkar úr Njarðvík koma í heimsókn. Liðin hafa mæst einu sinni á tímabilinu, í Ljónagryfjunni þann 28. okt. og vann Keflavík sigur í þeim leik, 63-78.

Oft hefur verið skorað meira í viðureignum liðanna og ekki slæmt að halda Njarðvíkingum í 63. stigum á heimavelli. Tommy og B.A voru stigahæstir okkar manna í leiknum með 18. stig og Maggi var með 9. stig, Jonni og Arnar Freyr 8. stig. Sá leikur hjálpar okkur þó ekkert á sunnudaginn og alveg ljóst að Njarðvíkingar vilja reyna að kvitta fyrir það tap. Breytingar hafa orðið á liði gestanna frá leiknum því Charleston Long var skipt út fyrir Damon Bailey sem var einmitt var besti maður Njarðvíkinga í tapinu gegn ÍR í síðustu umferð.

Keflavík er sem fyrr á toppi deildarinnar með 26. stig en Njarðvík er í 4. sæti með 16. stig. að loknum 13. umferðum.

Leikir liðanna hafa og verða alltaf frábær skemmtun. Leikir sem allt er lagt undir og staða liðanna í deildinni skiptir engu máli. Áhorfendur hafa í gegnum árin skemmt sér vel á leikunum og td. var uppsellt á síðasta leik liðanna. Þess vegna er ástæða til að minna fólk á að mæta tímalega til að tryggja sér sæti.

Góða skemmtun og áfram Keflavík!!