Sigur og tap hjá Ovarense og Maderia

Heil umferð var í portúgölsku deildinni í dag, laugardag. Andstæðingar okkar úr Bikarkeppni Evrópu náðu misgóðum úrslitum. Ovarense vann öruggan 19 stiga sigur, 97-78, gegn Aveiro og styrkti stöðu sína á toppi deildarinnar með 6 sigra og 2 töp. Madeira tapaði sínum leik 69-59 gegn Ginasio og er nú í 9. til 11. sætinu með 3 sigra og 5 töp. Annars er deildin jöfn og ekki virðist mikill munur milli liða, eins og glögglega sást á naumum 5 stiga heimasigri Ovarense gegn Madeira á miðvikudaginn.