Snorri Hrafnkelsson semur við Keflavík

Körfuknattleiksdeild Keflavíkur hefur gert samning við Snorra Hrafnkelsson um að leika með liðinu næstu tvö tímabil. Snorri er uppalinn hjá Breiðablik en kappinn er 18 ára og 200 cm að hæð, sem gerir honum kleift að spila bæði í stöðu kraftframherja sem og miðherja.

Á síðasta tímabili lék Snorri með Breiðablik í 1. deildinni þar sem hann skoraði 8,5 stig og tók 3,6 fráköst að meðaltali í leik. Keflvíkingar fengu aðeins að kynnast Snorra á síðasta tímabili en hann fór mikinn gegn drengjaflokki félagsins þegar Keflavík og Breiðablik mættust í 4-liða úrslitum Íslandsmótsins. Þar skoraði Snorri 29 stig, tók 13 fráköst og varði 7 skot. 

Heimasíða Keflavíkur býður Snorra velkominn til félagsins og hlakkar til að fylgjast með honum í búningi Keflavíkur.