Stelpurnar rúlluðu Val upp

Keflavíkur-stúlkur fóru mikinn í leiknum gegn Val í kvöld og voru lokatölur 83-37 fyrir Keflavík. Keflavík komst í 11-0 eftir fyrstu 2 mínútur leiksins og var staðan í hálfleik 47-17. Sigurinn var aldrei í hættu og lönduðu stelpurnar góðum sigri í kvöld. Birna Valgarðsdóttir skoraði 19 stig fyrir Keflavík, en á eftir henni kom Bryndís Guðmundsdóttir með 17 stig. Hjá Val var Hrund Jóhannsdóttir stigahæst með 13 stig, en á eftir henni kom Birna Eiríksdóttir með 11 stig.

Þetta er töluverður viðsnúningur frá fyrri leik liðanna, en þar fóru Vals-stúlkur með sigur af hólmi 79-75. Keflavíkur-stúlkur eru í blússandi stuði þessa dagana og greinilegt að þær létu tapleikinn síðasta gegn Grindavík ekki hafa nein áhrif á sig.