Undirbúningur á lokastigi - allir í hvítt á morgun!

Spennufallið er gríðarlegt hjá bæjarbúum og ljóst er að enginn ætlar að láta þann viðburð sem fram fer á morgun fram
hjá sér fara. Miðasala hófst í dag milli 17 og 19, en hún gekk mjög vel. Fólk þarf ekki að hafa áhyggjur af því að það
verði uppselt, það verður nóg pláss í húsinu. Stjórn Körfuknattleiksdeildar Keflavíkur var í óðaönn að undirbúa
sætapláss í dag og í kvöld sem gekk mjög vel. Vakin er athygli á því að hægt er að kaupa VIP miða niðri, en það eru
sætabekkir sem hafa verið settir fyrir aftan aðra körfuna. Það er þó takmarkað sætapláss og þurfa menn sem vilja sitja
á fremsta bekk á þessum stórviðburði að tryggja sér miða strax í fyrramálið. Miðanum fylgja einnig veitingar í hálfleik.
Hægt er að panta sér slíkan miða með því að hringja í 6601713 (Hermann) eða 8619313 (Birgir). Hægt er að sjá hvernig
húsið mun líta út á meðfylgjandi myndum.

Hvetjum alla til að mæta í hvítu á morgun og skapa geggjaða umgjörð! Sama hvort það sé ljóti bolurinn með
sósuslettunum eða Dolce Gabana tískubolurinn. Allir í hvítt!