Karfa: Yngri flokkar | 4. apríl 2006

8. flokkur kvenna stóð sig vel á vormóti í Borgarnesi

Laugardaginn 1. apríl fóru stúlkurnar í 8.fl. á vormót í Borgarnes.

Þrettán stúlkur komu við sögu í öllum leikjunum, og stóðu sig allar rosa vel. Júlíu var skellt í leikstjórnandann, þar sem Aníta og Solla voru að leika með 9.fl. og stóð júlía sig rosalega vel og á eflaust eftir að leika þessa stöðu í framtíðinni. Jóna lék mjög vel og er svakalega efnileg og mikilvæg fyrir liðið. Andrea á einnig auka hrós skilið fyrir mikla baráttu í vörn og einnig skilaði hún nokkrum mikilvægum körfum, t.d. sigurkörfu í framlengingu á móti Fjölni. Annars ætla ég að hrósa öllum stelpunum fyrir frammistöðu sína og hvað þær höfðu gaman. ( Það mættu samt sumar af þeim mæta betur á æfingar þá næðum við ennþá betri árangri ). En svona fóru leikirnir.

Keflavík 37 – Fjölnir 35

Keflavík 35 – Snæfell 20

Keflavík 48 – Skallagrímur 29

Stig: Jóna 49, Andrea 17, Íris Ósk 15, Ólöf 11, Katrín 6, Friðgerður 6, Júlía 6, Sigrún 2,

Íris Vals 2, Lísa 2, Ylfa 2, Berglind 2.

Áfram keflavík!

Kv.Gísli þjálfari.