Bikahátíð í Njarðvík um helgina

Mikil bikarhátíð fer fram í Njarðvík um helgina þegar leikið verður til úrslita í Bikarkeppni KKÍ í yngri flokkunum.  Keflavík á þrjú lið í úrslitum að þessu sinni og eru það allt stúlknaflokkar þar sem engu af okkar drengjaliðum tókst að komast alla leið að þessu sinni.  Þessir flokkar eru 9 og 10 fl. kvenna sem og Stúlknaflokkur.  Minnstu munaði að stúlknaflokki tækist einnig að komast í úrslit í unglingaflokki kvenna en þær töpuðu naumlega í undanúrslitum á heimavelli fyrir UMFG 49-51.    Leikar hefjast kl. 10.00 á laugardag og lýkur úrslitunum með lokaleik kl. 18.00 á sunnudag  og alls verða leiknir níu úrslitaleikir.

Undanfarin ár hefur það komið í hlut félaganna að halda utan um bikarúrslitaleiki yngri flokkanna og hefur það gefið góða raun.  Í fyrra héldum við Keflvíkingar mótið, gerðum það með glæsibrag, og fengum mikið lof fyrir. Grannar okkar í Njarðvík munu efalaust ekki láta sitt eftir liggja við framkvæmd mótsins að þessu sinni. 

Að leika til úrslita í bikarkeppninni er frábær upplifun fyrir  yngri leikmenn þar sem leitast er við að skapa alvöru umgjörð og stemmingu í kringum leikinn. Þannig verður þetta að hátíðlegum viðburði sem allir leikmenn vilja verða partur af á hverju ári. 

Við hvetjum alla áhugamenn um körfubolta að fjölmenna um helgina og fylgjast með alvöru úrslitaleikjum og efnilegustu unglingum körfuboltans í dag.

Unglingaráð KKDK

Laugardagur 27. feb:
10:00 9.fl kvenna           Keflavík-Breiðablik
12:00 10.fl karla             UMFN - KR
14:00 Stúlknaflokkur     Keflavík - Haukar
16:00 Drengjaflokkur    Snæfell/Skallagrímur – Hamar/Þór

Sunnudagur 28. feb:
10:00 9.fl karla            KR-Hamar/Þór
12:00 10.fl kvenna      Keflavík - Haukar
14:00 11.fl karla          UMFN - KR
16:00 U.fl kvenna       Grindavík - Haukar
18:00 U.fl karla           UMFN – Hamar/Þór

Mynd: 10. flokkur stúlkna varð Bikarmeistari þann 28. febrúar 2009.  Tekst þeim að verja titilinn í Stúlknaflokki þetta árið ?