Fjörið hefst í Ljónagryfjunni í kvöld

Í kvöld, föstudaginn 20. apríl, hefst fyrri úrslitahelgi yngri flokka en allir leikirnir fara fram í Njarðvík. Krýndir verða Íslandsmeistarar í 9. flokki stúlkna, 10. flokki drengja, stúlknaflokki og drengjaflokki.  Undanúrslitin verða leikin í kvöld og á morgun laugardag, en úrslitaleikirnir fara fram á sunnudag.

Drengjaflokkur Keflavíkur hefur leik í kvöld þegar þeir mæta liði Breiðabliks í undanúrslitum kl. 20.00.  Strákarnir lögðu lið Fjölnis örugglega af velli í 8-liða úrslitunum s.l. laugardag 112-61 á meðan lið Breiðabliks lagði lið Hamars/Þórs  98-88.

Allir Keflvíkingar eru hvattir til að fjölmenna í Ljónagryfjuna um helgina og styðja okkar lið.

Dagskrá helgarinnar;

Föstudagur 20. apríl
18.00 Drengjaflokkur · Njarðvík-KR

20.00 Drengjaflokkur · Keflavík-Breiðablik

Laugardagur 21. apríl
10.00  9. flokkur stúlkna · Grindavík-Haukar
11.45  9. flokkur stúlkna · Keflavík-Njarðvík
13.30  10. flokkur drengja · Grindavík-Njarðvík
15.15  10. flokkur drengja · Haukar-Stjarnan
17.00  Stúlknaflokkur · Njarðvík-Valur