Fréttir frá Úkraníu
Fyrst var flogið til Amsterdam og átti liðið að leggja af stað í næsta flug 30 mínútum eftir lendingu og voru bæði Keflavík og Njarðvík í kapphlaupi við tímann til að ná næstu vél sem flutti til Kiev. Í Kiev skildu leiðir við Njarðvíkinga, sem lögðu af stað með rútu á sinn áfanga stað, en okkar menn fóru upp í enn eina vélina áleiðis til Dnipro.Í dag var æfing og síðan hvíld fyrir leikinn á morgun og eru allir staðráðnir að standa fyrir sínu í leiknum á morgun.
Borgin er stór og mikið af fólki og mjög mikið af Lödum eins og fréttaritarinn okkar sagði áðan. Húsið er mjög stórt og tekur 5.000 manns í sæti, en það er mjög kalt í húsinu.
Ekki hefur farið mikið fyrir netsambandi hjá þeim í borginni en við vonumst auðvitað til þess að leikurinn verði í beinni á netinu, á http://www.fibaeurope.com
