Körfubolti | 23. október 2007

Fyrsta mót vetrarins hjá 9. flokki drengja

Drengirnir í 9. flokki léku á Sauðárkróki um helgina. Drengir eru mjög gagnrýnir á sjálfa sig og voru því ekkert alltof ánægðir með árangurinn, einn sigur og þrjú töp. 

Fyrsti leikurinn var á móti Skallagrími.  Hörku leikur allan tímann og mjótt á munum.  Liðin skiptust á að hafa forustu en á endanum unnu Skallarnir leikinn með þremur stigum. 

Seinni leikurinn á laugardeginum var á móti Breiðabliki.  Jafnt var á með liðunum í fyrri hálfleik en Blikarnir leiddu með þremur stigum, 19-22.  Í seinni hálfleik spiluðu Blikarnir stífa pressuvörn sem stákarnir höfðu ekki svar við.   Keflavík 33 – Breiðablik 56.

Fyrri leikurinn á sunnudeginum var á móti heimamönnunum.  Strákarnir okkar voru sterkari allan tímann og unnu með 13 stiga mun.  Keflavík 62 – Tindastóll 49.

Síðasti leikurinn var á móti grönnum okkar í Njarðvík.  Mjög jafn leikur allan tímann þar sem liðin skiptust á að leiða leikinn.  Á tímabili komst Keflavík í 9 stiga forustu en síðan lentu þeir í villuvandræðum.  Í lok venjulegs leiktíma var staðan jöfn 66-66.  Baráttan hélt áfram í framlengingunni en á endanum höfðu Njarðvíkingar betur með þremur stigum eða svo.

 Strákarnir lentu í fjórða sæti af fimm liðum og sluppu því naumlega við fall í b-riðil.  Nú er bara að æfa vel fram að næsta móti og gera betur þá.  Nýr þjálfari tók við strákunum í haust og nokkrar mannabreytingar hafa orðið á hópnum. Sumir hafa hætt og aðrir komið í staðinn.  Strákarnir eiga bara eftir að bæta sig fyrir næsta mót undir stjórn Villa þjálfara.  Greinilega góður þjálfari þar á ferð.  Hann var þarna að sjá andstæðingana í fyrsta skipti og veit núna betur hvað þarf að taka á. 

Ferðin norður og heim aftur gekk mjög vel og má með sanni segja að drengirnir hafi verið félagi sínu til sóma, innan vallar sem utan. 

Kveðja Skúli Jóns, fararstjóri.