Flautukarfa aðra umferðina í röð, Parker er greinilega sólginn í Gatorade! Karfan.is hefur valið Charles Michael Parker Gatorade-leikmann sjöundu umferðar fyrir vasklega framgöngu sína í viðureign Snæfells og Keflavíkur sem framlengja varð í Stykkishólmi. Hr. Kúpling (Mr. Clutch), Charles Parker, setti þá niður sigurkörfu fyrir Keflavík annan leikinn í röð í Iceland Express deildinni.

Parker gerði 34 stig í leiknum, tók 16 fráköst og gaf 5 stoðsendingar og fékk lítil 45 stig í framlag í leiknum.

 

Eftir sigurinn er Keflavík í 3. sæti deildarinnar með 10 stig og hefur liðið unnið síðustu tvo deildarleiki með samtals þremur stigum, fyrst 93-92 gegn Þór Þorlákshöfn þar sem Parker kláraði með flautukörfu og aftur í sjöundu umferð í 113-115 sigri Keflavíkur gegn Snæfell.

 

tekið af karfan.is