Hörku leikir hjá 10. flokki drengja um helgina

3. umferð 10. flokks drengja var háð helgina 31.jan-1.feb í Njarðvík.

Fyrsti leikur mótsins var sannkallaður stórleikur við núverandi Íslandsmeistara Breiðabliks.  Drengirnir hafa spilað 3 leiki
við Breiðablik á leiktíðinni sem allir hafa tapast.  Leikurinn byrjaði ekki vel og fljótlega var Breiðablik komið í 10-3. 
En þá settu strákarnir í lás í vörninni og unnu síðustu mínúturnar 11-3, staðan því 14-13 fyrir Keflavík að loknum
fyrsta leikhluta.  Strákarnir bættu við forystuna í öðrum leikhluta og leiddu í hálfleik 31-26.  Í þriðja leikhluta
gekk lítið hjá strákunum og Breiðablik gekk á lagið.  Þeir jöfnuðu fljótlega og komust yfir, staðan 38-43 Blikum í vil. 
Síðasti leikhlutinn var æsi spennandi og fjörugur.  Keflavík náði fljótlega að minnka muninn í 1 stig, 44-45 og spennan
allsráðandi.  Í stöðunni 44-49 lokuðu strákarnir algjörlega á Blika og skoruðu 9 stig í röð og breyttu stöðunni
í 53-49 fyrir lokamínútuna.  Blikar náðu svo að minnka muninn á síðustu sekúndunum með þriggja stiga körfu en
komust ekki lengra. Lokastaðan 53-52.

Næsti leikur á laugardeginum var gegn nágrönnunum úr Njarðvík.  Þessi lið hafa einu sinni mæst í vetur og þá
hafði Njarðvík nokkuð öruggan sigur.  Þessi leikur fór jafnt af stað en Njarðvík var alltaf skrefi á undan, staðan
eftir 1. leikhluta 21-17 Njarðvík í vil.  Í öðrum leikhluta var nánast jafnt á öllum tölum og staðan því í hálfleik 3
7-32, Njarðvík jók muninn um 1 stig í leikhlutanum.  Í þriðja leikhlutanum komu Njarðvíkingar grimmir til leiks og náðu
um tíma 12 stiga forskoti, 55-43, en drengirnir náðu aðeins að klóra í bakkann fyrir lok leikhlutans og leiddi
Njarðvík því með 9 stigum, 57-48.  Í fjórða leikhlutanum hitnuðu drengirnir vel ásamt því að loka vel á Njarðvík. 
Þeir settu eina 3 þrista í leikhlutanum og unnu hann 21-9.  Lokastaðan því 66-69 Keflavík í vil.

Fyrsti leikurinn á sunnudeginum var gegn KR.  Þetta er í annað sinn sem Keflavík spilar við KR og tapaðist fyrri
leikurinn gegn þeim.  Drengirnir komu grimmir til leiks og náðu fljótlega 14-7 forystu.  KR náði þó að klóra í
bakkann í leikhlutanum og endaði hann 15-14 Keflavík í vil.  Í öðrum leikhlutanum voru drengirnir ívið slakari
og tókst KR að komast yfir með því að skora 2 þrista undir lok leikhlutans og staðan því í hálfleik 31-32 KR í vil. 
Þriðja leikhlutanum vilja strákarnir örugglega gleyma sem fyrst.  Hvorki gekk né rak í sókn né vörn og KR-ingar
gengu á lagið.  KR vann leikhlutann 20-6 og ekki mikið að gerast á vellinum hjá drengjunum. 
Í síðasta leikhlutanum reyndu drengirnir hvað þeir gátu til að ná muninum niður en tíminn var ekki nægur og því
var tap, 51-59, gegn KR því staðreynd.

Síðasti leikur mótsins var svo gegn ÍBV sem hafði ekki unnið leik í þessu móti.  Drengirnir voru ákveðnir í að
bæta fyrir tapið fyrr um daginn og komu því grimmir til leiks.  Staðan eftir fyrsta leikhluta 19-13 Keflavík í vil. 
Í öðrum leikhluta hertu þeir enn frekar tökin og juku muninn jafnt og þétt allan leikhlutann. Staðan að honum
loknum 46-30 og drengirnir komnir með þægilega forystu.  Þriðji leikhlutinn var nokkuð jafn og skiptust liðin á að skora. 
Staðan að honum loknum 58-44.  Í fjórða leikhlutanum var eins og drengirnir væru hættir því þeim tókst ekki að
skora fyrstu 5 mínúturnar og meðan gekk ÍBV á lagið og minnkaði muninn.  Skoraði ÍBV 11 stig í röð og skyndilega
komin spenna í leikinn, 58-55.   Drengirnir tóku þá aðeins við sér og settu 4 stig í röð og við það var allur vindur úr ÍBV.
Lokatölur 63-58

Heilt yfir eru mikil batamerki á leik liðsins frá því fyrir áramót en alltaf má bæta sig. 
Það stefnir því í spennandi loka umferðir hjá drengjunum, fyrst helgina 21-22 mars og svo úrslitakeppnin 17-18 apríl.

Stigaskor og vítanýting frá helginni.

 

 
 Kv. Elentínus G. Margeirsson