Keflavík er Íslandsmeistari í 8. flokki stúlkna 2012
Keflavík varð í dag Íslandsmeistari í 8. flokki stúlkna en lokaumferðin fór fram í Toyotahöllinni.
Ekki bara það, heldur varð b-lið Keflavíkur í öðru sæti en þar eru á ferðinni stelpurnar í 7. flokki sem hófu leik í C-riðli í haust og enduðu veturinn á að leika til úrslita um titilinn við a-liðið. Endaði lokaleikurinn með sigri a-liðsins, 35-15
Bæði lið sigruðu alla aðra andstæðinga sína í lokaumferðinni, en auk Keflavíkurliðanna voru lið Njarðvíkur, Breiðabliks og Hrunamanna í A-riðli.
Að sjálfsögðu bauð Barna- og unglingaráð öllum stelpunum í pizzuveislu á Langbest, Ásbrú, enda ekki hægt annað en að gera sér glaðan dag eftir svona glimrandi árangur.
Til hamingju stelpur.
8. flokkur stúlkna með gullið
8. flokkur B með silfrið
