Körfuboltadagskrá helgarinnar - allir flokkar
Fjöldi leikja er handan við hornið í körfunni næstu daga. Keflvíkingar fá Hauka í heimsókn í kvöld þegar fjórða umferð Iceland Express deildar karla klárast. Leikurinn hefst á hefðbundnum tíma kl. 19.15.
Hátíðardagskrá bíður síðan á laugardag þegar nágrannarnir í Njarðvík heimsækja Toyotahöllina í stórleik 4. umferðar Iceland Express deildar kvenna. Bæði lið hafa unnið 2 leiki af fyrstu þremur í deildinni og reikna má með háspennuleik að hætti hússins eins og svo oft verður þegar grannliðin mætast. Leikurinn hefst kl. 16.30.
Drengjaflokkur leggur land undir fót á laugardag þegar þeir fara til Akureyrar og leika við Þór í Síðuskóla kl. 15.30. Þetta er fjórði leikur drengjanna á þessu tímabili og eru þeir ósigraðir enn sem komið er.
Á mánudagskvöld er aftur heimaleikur í Meistaraflokki karla þegar 2. umferðin í Lengjubikarnum fer fram. Þá mæta Valsmenn í Toyotahöllina og hefst leikurinn kl. 19.15.
Á mánudagskvöld leikur Unglingaflokkur kvenna einnig þegar þær mæta liði Hauka á Ásvöllum kl. 20.30
Keflvíkingar eiga einnig þrjú lið á fjölliðamótum helgarinnar en þá klárast 1. umferðin. Dagskrá helgarinnar:
Minnibolti 11. ára stúlkna
leikur í Rimaskóla í A-riðli en þetta er fyrsta keppnishelgi stúlknanna á Íslandsmóti. Leikjadagskrá helgarinnar
7. flokkur drengja
leikur í Njarðvík í A-riðli. og því hæg heimatökin að kíkja við. Leikjadagskrá helgarinnar
9. flokkur stúlkna
leikur á Ásvöllum í A-riðli. Leikjadagskrá helgarinnar
ALLIR Á VÖLLINN UM HELGINA - ÁFRAM KEFLAVÍK :)
