Leikir yngri flokka um helgina
Fjórir sprækir yngri flokkar verða á fullu um helgina og keppa í 2. umferð Íslandsmótsins. Helgin verður þægileg fyrir flesta flokka í þetta skiptið því þrír af flokkunum leika á Suðurnesjum og einn í Garðabæ.
7. flokkur stúlkna leikur í Ljónagryfjunni í A-riðli. Stelpurnar fóru á kostum í 1. umferð á Flúðum þar sem þær pökkuðu riðlinum saman með öruggum sigri í öllum fjórum leikjunum.
10. flokkur stúlkna leikur í Grindavík í A-riðli. Þær áttu sömuleiðis flott mót í 1. umferð og unnu alla sína leiki örugglega. Helsti keppinauturinn í þessum flokki er lið Grindvíkinga sem eiga heimavöllinn í þetta skiptið og forvitnilegt að sjá hvort gestgjafarnir nái að gera sér mat úr því.
Minnibolti 11. ára drengja lék á sínu fyrsta móti á heimavelli í Keflavík í 1. umferð og náði að halda sæti sínu í A-riðli, unnu einn og töpuðu þremur. Virkilega gaman var að sjá til peyjana á því móti og spurning hvort Bjössi þjálfari nær að halda þeim uppi í A-riðli en þeir hafa verið duglegir og áhugasamir undanfarnar vikur. Mótið verður haldið í Sjálandsskóla í Garðabæ og í stað Reykdæla/Skallagríms sem féll í B-riðil kemur lið Grindavíkur sem vann alla sína leiki í 1. umferð B-riðils.
9. flokkur drengja leikur í B-riðli og fá að sprikkla á heimavelli í Toyotahöllinni þessa helgi. Þeir Kumas Máni og Birkir Örn verða með öfluga stráka úr 8. flokki sér til halds og trausts en í fyrstu umferð unnu þeir einn leik og töpuðu þremur. Lið ÍBV féll í C-riðil en í stað þeirra koma Fjölnismenn upp. Lið Ármanns fór upp í A-riðil en Tindastólsdrengir féllu niður í B-riðil og verða næturgestir okkar um helgina.
Dagskráin í Toyota höllinni um helgina í 9. flokki drengja er eftirfarandi:
Laugardagur 20. nóv.
09.45 Njarðvík – Fjölnir
11.00 Breiðablik - Keflavík
12.15 Tindastóll – Fjölnir
13.30 Njarðvík - Keflavík
14.45 Breiðablik – Tindastóll
ATH. EKKI GLEYMA STÓRLEIKNUM Í IE-DEILD KVENNA, KEFLAVÍK-UMFN, LAUGARDAG KL.17.00
Sunnudagur 21. nóv.
09.00 Keflavík – Fjölnir
10.15 Njarðvík – Tindastóll
11.30 Breiðablik – Fjölnir
12.45 Tindastóll – Keflavík
14.00 Breiðablik - Njarðvík
ÁFRAM KEFLAVÍK :)
