Sigur og tap hjá unglingaflokki drengja.
Það sem af er vetri hefur unglingaflokkur drengja spilað tvo leiki. Tap í þeim fyrsta og sigur í öðrum leik. Allir drengirnir, nema Sigmar, eru einnig í drengjaflokki.
Keflavík - Valur 76-84, Toyota höllin, 1. október 2010.
Leikurinn var mjög jafn frá byrjun en Valsmenn þó alltaf með undirtökin í fyrri hálfleik. Valsmenn náðu svo 14 stig forustu rétt fyrir lok 3ja leikhluta. Þá kom flottur kafli hjá okkar strákum sem jöfnuðu leikinn 76-76. Síðustu 2.mín í leiknum því miður Valsmanna, þar sem þeir settu niður tvær 3ja stiga körfur úr mjög erfiðum skotum á meðan okkar strákar voru mjög óheppnir með sín skot.
En strákarnir börðust fram á síðustu sekúndu og geta borið höfuðið hátt þrátt fyrir tap.
Stigaskor
Kristján T 14 stig
Ragnar Gerald 13 stig
Andri Dan 13 stig
Sævar Eyjólfs 13 stig
Hafliði Már 10 stig
Fjölnir – Keflavík 63-68, Dalhús í Grafarvogi, 9. október 2010.
Keflavík gerði góða ferð í Grafarvog og fóru með sigur þaðan eftir 63-68 sigur á Fjölni. Keflavíkurstrákar höfðu undirtökin í leiknum framan af en í seinni hálfleik minnkaði allt flæði í leik þeirra á meðan Fjölnir gekk á lagið og komust yfir fyrir lok 3ja leikhluta. Keflvíkingar tóku góðan sprett í byrjun 4.leikhluta og komust aftur yfir með góðum leik Sigmars, Sigurðar og Kristjáns þar sem þeir félagar skoruðu 20 af 22 stigum Keflavíkur í 4.leikhluta.
Lokamínúturnar voru æsispennandi þar sem leikmenn fengu dæmdar á sig tækni- og ásetningsvillur út og suður en strákar okkar létu það ekki slá sig út af laginu og kláruðu leikinn með stæl.
Góð vörn og agaður sóknarleikur skilaði strákunum glæsilegum sigri á annars góðu liði Fjölnis.
Stigaskor
Sigmar Logi 20 stig
Siggi Viggi 16 stig
Andri Þór (Þyrnirós) 15 stig
Kristján 6 stig
