S.l. helgi fór fram 2.umferð á Íslandsmótinu hjá 11. ára stelpunum. Tveir leikir voru spilaðir á laugardag og tveir á sunnudag. Stelpurnar unnu alla leiki í 1. umferð með miklum yfirburðum og var engin breyting á því þessa helgina. Unnu stelpurnar alla leikina með talsverðum mun, fyrir utan leikinn við Hrunamenn, en sá sigur var samt sem áður mjög sannfærandi. Þjálfarinn var sérstaklega ánægður með framlag leikmanna í varnarleiknum en okkar stelpur spiluðu mjög grimma vörn og uppskáru úr því fjölmörg hraðaupphlaup sem nýttust oftast mjög vel. Þrátt fyrir stórsigra og skemmtileg tilþrif oft á tíðum, þá voru okkar leikmenn að misnota mikið af sniðskotum en stelpurnar eru staðráðnar í að klára þau færi aðeins betur næst :)

Eftir leikina á laugardag var leikmönnum boðið í pizzuveislu „a la Bjössi“ og höfðu flestar á orði að þetta væru bestu pizzur sem þær höfðu smakkað. Meðan snæddar vorur gómsætar pizzur var horft á nokkur körfubolta tilþrif af dýrari gerðinni. Síðan var myndinni Juwanna Mann skellt í spilarann og var mikið hlegið.