Stelpurnar komnar í 2-1 eftir 99-91 sigur í kvöld
Keflavík sigraði Grindavík í kvöld 99-91 og leiðir því einvígið 2-1. Staðan var 62-53 Keflavík í vil í hálfleik og fer næsti leikur liðanna fram í Grindavík á föstudagskvöldið kl.19.15
Stelpurnar byrjuðu leikinn af krafti og náðu fljótlega forustu, staðan eftir fyrsta leikhluta var 32-23. Með þessari góðri byrjun náði liðið að leggja grunnin að sigri kvöldsins enda var mikill kraftur í þeim. Þeir spiluðu góða pressuvörn og sá Kesha að mestu um sóknarleikinn. Kara átti svo frábæran innkomu í 2. leikhluta og reif niður fráköst og barðist vel. Tamara Bowie sem hafði verið með 40. stig í leikunum tveimur var aðeins með 9 stig í fyrri hálfleik og 14 í leiknum öllum fyrir gestina.
Grindavík tókst að minnka munin niður í þrjú stig , 66-63 í þriðja leikhluta en stelpurna gáfu þá aftur í og hleytpu þeim ekki nær. Svæðisvörnin hjá þeim virkaði ágætlega í leiknum og náðu þær að stela alls 15 boltum í leiknum. Staðan eftir þriðja leikhluta 80-72 fyrir Keflavík.
Í upphafi fjórða leikhluta voru fjórir leikmenn gestanna í villuvandræðum og eftirleikurinn því auðveldari. Þegar rétt rúmar tvær mínútur voru til leiksloka setti
Kesha átti góðan leik og var með 25 stig. Kara átti stjörnuleik var með 20 stig og tók alls 14 fráköst. Bryndís var með 17 stig og 7 fráköst, María Ben 14 stig og 9 fráköst, Birna skoraði 9 stig og Svava var með 8. stig
Hildur var stigahæst hjá Grindavík með 25 stig. Tölfræði leiksins.
Hildur Björk Pálsdótir nældi sér í flugfar fyrir 2. með Iceland Express til Basel í Sviss. Hildur var valin úr hópi áhorfenda til að skjóta frá þriggja stiga línunni en þessi skemmtilegi leikur hefur verið í gangi í öllum leikjum í úrslitakeppninni.
Kara átti sinn besta leik í úrslitakeppni í kvöld. Mynd jbo@vf.is
