Tap í Borgarnesi
Keflavík b sótti Skallagrím heim í 1. deild kvenna í gær. Liðin hafa tvisar áður mæst í vetur þar sem Keflvíkingar hafa unnið öruggan sigur á heimavelli í bæði skiptin. Skallagrímsliðið mætti mun ákveðnara til leiks í gær og náði strax forystu sem þær náðu að halda megnið af leiknum. Keflavík náði aldrei að hrökkva almennilega í gírinn þó þær tækju ágætar rispur af og til. Þær beittu töluvert pressuvörn sem Skallagrímsstelpur náðu á köflum að leysa með prýði og fengu fyrir vikið of auðveldar körfur. Að sama skapi gekk okkur stelpum oft herfilega að setja niður „öruggu færin“ og gáfu í það heila allt af mörg sóknarfráköst í leiknum. Þrátt fyrir strögl fengu stelpurnar tækifæri á að stela sigrinum í þessum leik með því að ná átta stiga forystu niður í þrjú stig þegar tvær mínútur voru eftir af leiknum. Það gekk hinsvegar illa að skapa eitthvað af viti þessar síðustu sóknir og einu tvö stigin sem komu á þessum kafla duttu í eigin körfu. Verðskuldaður sigur Skallagríms og stelpurnar mæta vonandi betur stemmdar í seinni útileik liðanna eftir tvær vikur og hefna ófaranna.
Skallagrímur - Keflavík b
62 - 57 (20-12, 32-29, 49-42)
Stigaskor Keflavíkur:
Lóa Dís 14, María Ben 13, Telma Lind 9, Sigrún 7, Emelía 4, Soffía Rún 4, Árnína 3, Ástrós 2 og Erna 1 stig.
Eva Rós Haralds, Helena Ösp og Sara voru einnig í liðinu en léku ekki.
Vítanýting 14/23 eða 60,8%
Næsti leikur í deildinni er útileikur við Njarðvík n.k. föstudag, 6. febrúar kl.19.15 og er þar um toppslag að ræða.
