Þrír flokkar frá Keflavík á Scania Cup um pákana
Í dag, þriðjudaginn 18 mars, heldur 50 manna hópur á vegum Körfuknattleiksdeildar Keflavíkur til Södertälje í Svíþjóð þar sem þrír flokkar félagsins munu keppa á Scania Cup um páskana. Um er að ræða nýbakaða Íslandsmeistara í 8.fl. kvenna, auk þess sem 9.fl. karla og kvenna munu einnig taka þátt, en báðir þeir flokkar urðu bikarmeistarar á dögunum.
Segja má að Scania Cup sé Norðurlandamót yngri flokka í körfu, enda er einungis sterkustu liðum Norðurlanda boðið að senda lið á mótið. Til að íslensk lið geti tekið þátt þurfa þau að vera Íslandsmeistarar. Karlalið sem hafna í öðru sæti á Íslandsmóti mega þó senda lið. Í ár eru 134 lið skráð til leiks í sex aldursflokkum, 62 kvennalið og 72 karlalið. Mótið hefst á fimmtudag og lýkur á sunnudag og verður spennandi að sjá hvernig liðin koma til með að standa í samanburði við jafnaldra sína á þessu sterka móti.
Við munum flytja ykkur frekari fréttir af mótinu á www.keflavik.is
9.fl.karla
9.fl.kvenna
8.fl.kvenna
