Karfa: Karlar | 8. apríl 2008

Upphitun fyrir ÍR leikinn. Nú verða allir með!!

Nú styttist í leik númer 2. í undanúrslitaeinvígi Keflavíkur og ÍR en leikurinn fer fram í Seljaskóla á miðvikudag kl. 19.15. Við viljum minna stuðningsmenn okkar á að mæta tímalega því það verður þétt settinn bekkurinn í Seljaskóla. Stuðningur frá áhorfendum getur skipt miklu máli og virkað sem sjötti maður. Við höfum mjög oft náð upp frábæri stemmingu á útivöllum, þar sem allir stuðningsmenn okkar sitja þétt saman. Trommusveitin verður á staðnum í öllu sínu veldi og við öll hin ætlum að taka undir með þeim. ÞANNIG VINNUM VIÐ LEIKINN!!

Leikurinn á sunnudaginn var frábær skemmtun en okkar menn voru klaufar að klára hann ekki í venjulegum leiktíma. BA Walker, Arnar Freyr og Susnjara áttu allir mjög góðan dag en ljóst er að fleirri verða að stíga upp í næsta leik. Leikmenn eins og Jonni, Maggi og Tommy verða að koma sterkir inn því þá þurfum við ekkert að óttast. Siggi og Gunni léku lítið í leiknum í Keflavík og má búast við að þeir fái stærra hlutverk í leiknum í Seljaskóla, því þeir áttu stóran þátt síðasta útisigri liðsins sem var á Akureyri.

Á listanum hér fyrir neðan er borin saman tölfræði liðanna í síðasta leik. Sérstaklega þurfum við að taka okkur á fráköstum því ÍR-ingar tóku 19 fleirri fráköst en við sem er ekki gott.