Leikstjórnandinn Arnar Freyr Jónsson skrifaði í gær undir samning um að leika með Keflavík á komandi leiktíð. Arnar Freyr er uppalinn Keflvíkingur og hefur leikið nánast allan sinn feril í Keflavík að undanskildum nokkrum árum þar sem hann lék með Grindavík og í Danmörku.
Keflavík sigraði nágranna sína í Njarðvík 61:53 í úrslitum Ljósanæturmótsins nú í kvöld. Leikurinn var að miklu leyti vel litaður af haustinu og ryðblettir á leik beggja liða. En þess vegna eru einmitt þessi mót, til þess að stilla strengi fyrir átökin miklu. Njarðvíkurstúlkur hófu leikinn betur og leiddu með 8 stigum í hálfleik 28:36. Hinsvegar tókst þeim grænklæddu aðeins að setja niður 17 stig í seinni hálfleik sem dugði þeim lítið gegn ríkjandi bikar og íslandsmeisturum Keflavíkur.
Grindvíkingar tryggðu sér í gær sigur á Ljósanæturmóti Geysis með sigri á ÍR. Þrátt fyrir að Keflavík og ÍR eigi enn eftir að leika er ljóst að hvorugt liðið getur náð Grindvíkingum að stigum þar sem þeir síðastnefndur unnu báða leiki sína á mótinu. Lokatölur í leiknum 92-84
Keflavík tapaði fyrir grönnum sínum úr Grindavík í fyrsta leik Ljósanæturmóts Geysis í gær, 83-93. Grindavík leiddi nær allan leikinn, ef frá eru teknar fyrstu mínútur, en liðið hitti ótrúlega í fyrri hálfleik fyrir utan þriggjastigalínuna. Keflavík kom þó alltaf til baka og voru aldrei langt undan en í lokin voru það Grindíkingar sem voru sterkari.
Ljósanæturmót Geysis Car Rental hefst í kvöld með stórleik Keflavíkur og Grindavíkur í TM-Höllinni. Leikurinn hefst kl. 19.15 og er frítt inn fyrir alla.
Fyrsti leikur tímabilsins hefst á morgun í TM höllinni þegar Keflavíkurstúlkur fá Valsstúlkur í heimsókn og leikið er í Lengjubikarnum.
Æfingatafla Körfuknattleiksdeildar Keflavíkur er komin í loftið en æfingar allra flokka hefjst eftir töflu n.k. mánudag 2. september. Taflan er aðgengileg á flipa hér til hliðar á heimasíðunni. Þar...
Körfuknattleiksdeild Keflavíkur ætlar að hafa morgunverðarkaffi á laugardeginum á Ljósanótt klukkan 10.00 - 13.00. Tilvallið fyrir alla gesti Ljósanætur, bæði heimamenn sem og gesti, að kíkja við fyrir árgangagöngu og fá sér morgunmat og kaffi. Hópar er jafnframt kvattir til að koma og geta þeir pantað borð fyrirfram í síma 869-6151 (Davíð).
Frítt er fyrir 12 ára og yngri en aðrir greiða 1.500 kr. á mann.
Ljósanæturkveðja,
Körfuknattleiksdeild Keflavíkur
