Fréttir

Heim

Karfa: Karlar | 14. nóvember 2012

Gamlar kempur mæta á parketið

Liðsmenn Keflavíkur B mæta á parketið í kvöld eftir mismikla pásu og spila við lið ÍG í bikarkeppni KKÍ. Leikurinn hefst kl 19.15 og gera má ráð fyrir miklu fjöri.

Í liði Keflavíkur B eru leikmenn eins og Guðjón Skúlason, Falur Harðarsson, Sigurður Ingimundarsson, Albert Óskarsson, Gunnar Einarsson, Sverri Þór Sverrisson ásamt fleiri gömlum kempum.

Heimasíðan hvetur alla Keflvíkinga til að láta sjá sig annað hvort í Toyota-höllinni eða í Grindavík þar sem stelpurnar leika í dominos-deildinni.

Karfa: Konur | 14. nóvember 2012

Grindavík - Keflavík í dominos-deild kvenna

Stelpurnar spila við Grindavík í kvöld á útivelli. Stelpurnar eru ósigraðar í deildinni með 8 sigra og ekkert tap.

Aðrir leiki í kvöld í dominos-deild kvenna eru:

Domino´s deild kvenna, 19:15
Grindavík-Keflavík
Haukar-Njarðvík
Fjölnir-Snæfell
KR-Valur

Þess má til gamans geta að lið Keflavíkur B spilar líka í kvöld við Grindvíkinga. Sá leikur er í Toyota-höllinni og hefst klukkan 19.15.

Karfa: Konur | 12. nóvember 2012

Haukarnir lagðir í tvígang um helgina

Bæði strákarnir og stelpurnar sigruðu lið Hauka um helgina. Stelpurnar sigruðu Haukana í dominos-deildinni á laugardaginn 82-68 og sitja á toppi deildarinnar með 8 sigurleiki og engan tapleik. Stigahæst í liði Keflavíkur var sem svo oft áður Pálína með 19 stig. Strákarnir sigurðu svo Hauka í gær með 79-90 í fyrirtækjabikarnum og þar var Michael Craion með 26 stig en nýji leikmaðurinn Stephen McDowell var með 12 stig.

Karfa: Karlar | 12. nóvember 2012

Haukarnir lagðir í tvígang um helgina

Körfubolti | 9. nóvember 2012

Giltner sagt upp - Stephen McDowell í hans stað

Keving Giltner, bandaríska skotbakverðinum í liði Keflavíkur, hefur verið sagt upp og mun hann því ekki leika fleiri leiki með liðinu á þessu tímabili. Gitlner þótti ekki standa undir þeim væntingum sem til hans voru gerðar og þótti því farsælasta lausnin að láta leikmanninn fara.

Karfa: Konur | 9. nóvember 2012

Keflavík - Haukar í Dominos-deild kvenna

Lið Hauka mætir í Toyota-höllina á morgun kl. 16.30. Stelpurnar eru taplausar í deildinni og við treystum því að ekki verði breyting þar á eftir leik morgundagsins.

Pálína er stigahæst okkar liðsmanna eftir fyrstu 7 leiki deildarinnar með 19,7 stig að meðaltali í leik. Sara Rún er frákastahæst eftir þessa leiki með 9,3 fráköst í leik.

Hvetjum alla til að mæta á morgun og horfa á okkar lið spila til sigurs.

Karfa: Karlar | 8. nóvember 2012

Góður sigur hjá strákunum

Strákarnir voru rétt í þessu að tryggja sér sigur á liði Tindastóls í dominos-deildinni. Leikurinn endaði 84-92 og stigahæstu menn voru D.Lewis með 22 stig, M.Craion með 21 (17 fráköst) og hinn ungi Valur með 18 stig.

Siggi þjálfari var í viðtali við Kára Marísson á Tindastóll TV og sagðist ánægður með sína menn í kvöld og sáttur við að sækja tvö stig á erfiðan útivöll.

Næsti leikur hjá strákunum er gegn Haukum á sunnudaginn í fyrirtækjabikarnum.

Karfa: Karlar | 8. nóvember 2012

Búið að draga í bikarnum

Í dag var dregið í fyrstu umferð bikarkeppni KKÍ og stelpunar mæta liði Hauka og strákarnir fá KR-inga í heimsókn. 16-liða úrslit kvenna verða leikin 17.-19. nóvember og 32-liða karla 30. nóvember - 3. desember. Það er því ljóst að fjörið byrjar snemma í ár og hvetjum við alla til að mæta og styðja okkar lið.