Keflvíkingar halda í Garðabæinn í kvöld til að freysta þess að jafna einvígið gegn Stjörnunni. Stjarnan vann fyrsta leik liðanna í TM-Höllinni og verða Keflvíkingar að sigra í kvöld til að ná heimavallaréttinum til baka.
Hörður Axel Vilhjálmsson er Keflvíkingum kunnur en hann lék með Keflavík áður en hann hélt í atvinnumennsku eftir tímabilið 2009-2010. Fyrstu tvö árin lék hann í annarri og efstu deild í Þýskalandi en í fyrra færði hann sig um set og leikur kappinn nú með Vallodalid í efstu deild á Spáni, deild sem margir vilja meina að sé næststerkasta deild í heimi á eftir NBA.
Keflavíkurstúlkur töpuðu í gær þriðja leiknum í röð gegn Haukum í 4-liða úrslitum Domino´s deildarinnar og eru þar með úr leik þetta árið. Það var á brattann að sækja frá upphafi og þegar yfir lauk voru Haukastúlkur einfaldlega of sterkar.
Keflvíkingar mæta Stjörnunni í þriðja sinn á þremur árum í 8-liða úrslitum Domino´s deildar karla en fyrsti leikurinn er föstudaginn nk. í TM-Höllinni.
Keflvíkingar hefja leik í 8-liða úrslitum Domino´s deildar karla föstudaginn 21. mars nk. þegar þeir mæta Stjörnunni í TM-Höllinni. Þessi lið hafa mæst sl. tvö ár og hafa það verið Stjörnumenn sem hafa farið með sigur af hólmi í bæði skiptin, samtals 2-1. Tvennt er þó öðruvísi þetta tímabilið. Í fyrsta lagi þurfa liðin að vinna þrjá leiki til að komast áfram og þá eru Keflvíkingar með heimavallaréttinn í þetta skiptið!
Þrátt fyrir að Keflavíkurstúlkur hafi ekki átt sinn besta dag í gær þegar þær töpuðu fyrir Haukum í öðrum leik liðanna í 4-liða úrslitum Domino´s deildar kvenna var ýmislegt sem áhorfendur máttu gleðjast yfir. Þannig settu þrír ungir einstaklingar á fót skotsýningu milli leikhluta í svokölluðu Domino´s skoti og er ljóst að sitthvað má læra af þeim en af fjórum einstaklingum sem reyndu fyrir sér hittu þrír.
Keflavík tekur á móti Haukum í 4-liða úrslitum Domino´s deildar kvenna í kvöld kl. 19.15 í TM-Höllinni. Haukar leiða einvígið 1-0 eftir nauman sigur í fyrsta leik í Schenker-höllinni að Ásvöllum.
Á morgun, laugardag, munu Keflavíkurstúlkur spila fyrsta leik sinn í 4-liða úrslitum Domino´s deildar kvenna. Keflavík, sem lenti í 3. sæti deildarinnar, mætir Haukum og fer fyrsti leikurinn fram í Schenkerhöllinni að Ásvöllum í Hafnarfirði kl. 16.00.
