Keflavíkurstúlkur unnu sannfærandi 84-67 sigur á grönnum sínum úr Grindavík í Domino´s deildinni í gær en leikið var í TM-Höllinni. Heimastúlkur settu tóninn strax í upphafi leiks og leiddu frá fyrstu mínútu til þeirrar síðustu.
Keflvíkingar unnu í gær stórsigur á Stjörnunni, silfurdrengjum síðasta tímabils, í fyrsta leik Domino´s deildar karla en leikið var í Garðabæ. Lokastaðan var 63-88 gestunum í vil og má segja að Stjarnan hafi aldrei séð til sólar, svo óralangt var hún.
Það verður sannkallaður stórleikur í TM-Höllinni sunnudaginn 13. október kl. 19.15 en þá mætast grannarnir Keflavík og Grindavík í Domino´s deild kvenna. Bæði lið höfðu sigur í fyrsta leik og má því búast við miklum átökum.
Keflavíkurstúlkur sigruðu Hauka í gær, 76-74 í æsispennandi leik í Domino´s deild kvenna en leikur fór fram í TM-Höllinni. Stúlkurnar sýndu mikinn karakter eftir að hafa verið undir þegar stutt var til leiksloka. Bríet Sif Hinriksdóttir, tvíburasystir Söru Rún Hinriksdóttur, sem leikið hefur stórt hlutverk í Keflavíkurliðinu sl. tvö tímabil er að koma gríðarlega sterkt til leiks í upphafi móts og átti góða innkomu í leiknum í gær. Hún endaði leikinn með 6 stig af bekknum og er ljóst að hún ætlar að láta til sín taka á komandi tímabili í Domino´s deildinni.
Keflvíkingar sækja Stjörnuna heim í Garðabæ kl. 19.15 í kvöld en þá hefst fyrsta umferð Domino´s deildar karla. Búast má við miklum slag enda var rimma þessara liða gríðarlega spennandi í 8-liða úrslitum síðasta tímabils.
Domino´s deild kvenna fer af stað í kvöld þegar Keflavík tekur á móti Haukum í TM-Höllinni í kvöld kl. 19.15. Liðunum er spáð misjöfnu gengi í vetur samkvæmt spá þjálfara, fyrirliða og formanna deildarinnar en þar hefur Haukum verið raðað í 2. sætið en Keflavík í 5. sæti.
Körfuknattleiksdeild Keflavíkur og Sambíóin-Keflavík undirrituðu styrktarsamning sl. föstudag en Sambíóin hafa verið dyggur stuðningsaðili Keflavíkur undanfarin ár. Að því tilefni buðu Sambíóin leikmönnum meistaraflokks kvenna á frumsýningu myndarinnar "About time" en myndin hefur augljóslega hitt á rétta strengi hjá stúlkunum enda unnu þær Val í leiknum um "meistara meistaranna" í kjölfarið.
Keflavíkurstúlkur sigruðu Valsstúlkur í gær í leiknum um meistara meistaranna, 77-74 en leikurinn fór fram í TM-Höllinni.
