Fréttir

Heim

Karfa: Karlar | 20. október 2013

Stutt viðtal við Gunnar Ólafsson eftir öruggan sigur gegn KFÍ í TM-Höllinni

Keflvíkingar unnu auðveldan 95-67 sigur gegn KFÍ í fyrsta heimaleik liðsins í Domino´s deildinni í vetur. Leikurinn var nokkuð jafn til að byrja með en í seinni hálfleik sigu heimamenn fram úr með Guðmund Jónsson í broddi fylkinga en kappinn skoraði 27 stig í leiknum og var að öðrum ólöstuðum maður leiksins. Michael Craion var með 16 stig og 12 fráköst, Þröstur Leó Jóhannsson skoraði 12 stig og þá var Darrel Lewis með 8 stig, 8 fráköst og 9 stöðsendingar.

Karfa: Konur | 18. október 2013

Bryndís með sigurkörfuna gegn Val - Stutt viðtal við Bryndísi

Keflavíkurstúlkur unnu eins stig sigur á Val, 85-86, í Vodafonehöllinni á miðvikudag í Domino´s deild kvenna. Var þetta þriðji sigurleikur stúlknanna í röð og sitja þær einar á toppi deildarinn. Byrjun sem fáir höfðu spáð fyrir um.

Karfa: Hitt og Þetta | 17. október 2013

Miðapantanir hafnar á þorrablót þorrablótanna

Miðapantanir eru hafnar á Þorrablót Keflavíkur 2014. Þorrablót Keflavíkur hefur vaxið jafnt og þétt sl. þrjú ár og er svo komið að hér er um einn stærsta menningarviðburð Keflavíkur að ræða. Þorrablótið 2013 þóttist takast með eindæmum vel og má búast við enn meiri skemmtun á því næsta.

Karfa: Konur | 16. október 2013

Keflavíkurstúlkur sækja Val heim í kvöld

Keflavík heimsækir Valsstúlkur í Vodafonehöllina í kvöld í þriðju umferð Domino´s deildar kvenna. Leikurinn hefst kl. 19.15 en búast má við hörku leik. Keflavík hefur byrjað tímabilið vel og unnið báða sína leiki en Valsstúlkur eru með einn sigur og eitt tap.

Karfa: Hitt og Þetta | 15. október 2013

TM-Höllin komin í búninginn - Grillin verða tendruð fyrir leikinn gegn KFÍ á föstudag

Körfuknattleiksddeild Keflavíkur og TM undirrituðu á dögunum samstarfssamning líkt og áður hefur komið fram en samkvæmt samningi mun heimavöllur liðsins að Sunnubraut 34 í Keflavík hér eftir bera nafnið TM-Höllin. Þeir sem hafa lagt leið sína í íþróttahúsið hafa tekið eftir því að búið er að merkja það TM en af því tilefni þótti rétt að smella mynd af nokkrum leikmönnum Keflavíkurliðanna ásamt stjórnarmanni KKDK og Gunnari Oddssyni frá TM.

Karfa: Hitt og Þetta | 15. október 2013

Styttist í fyrsta heimaleik karlaliðsins - Minnum á reglur varðandi Hraðlestina

Nú fer óðum að styttast í fyrsta heimaleik Keflavíkur í Domino´s deild karla en Keflvíkingar mæta KFÍ í TM-Höllinni föstudaginn 18. október. Líkt og áður hefur verið vikið að hefur stuðningsmönnum í Hraðlestinni fjölgað umtalsvert undanfarið og er svo komið að nánast uppselt er orðið í númeruðu sætin í neðri stúlku.

Karfa: Karlar | 15. október 2013

Magnús Þór líklega frá næstu 6-8 vikurnar

Magnús Þór Gunnarsson, fyrirliði Keflavíkurliðsins, handarbrotnaði á æfingu liðsins í gær og verður líklega frá í 6-8 vikur vegna þessa. Um er að ræða skothendi kappans og sömu hendi og þar sem hann hefur fingurbrotnað sl. tvö ár. Ljóst er að um mikið áfall er að ræða fyrir Keflavíkurliðið en þó ekki síst fyrir Magnús Þór sjálfan.

Karfa: Konur | 14. október 2013

Sannfærandi sigur í grannaslag - Stutt viðtal við Lovísu Falsdóttur

Keflavíkurstúlkur unnu sannfærandi 84-67 sigur á grönnum sínum úr Grindavík í Domino´s deildinni í gær en leikið var í TM-Höllinni. Heimastúlkur settu tóninn strax í upphafi leiks og leiddu frá fyrstu mínútu til þeirrar síðustu.