Keflavíkurstúlkur voru ekki lengi að jafna sig á fyrsta tapi sínu í deildinni á dögunum. Í fyrradag lögðu þær leið sína í Grindavík þar sem þær sigruðu heimastúlkur örugglega, 64-84.
Keflvíkingar halda áfram sigurgöngu sinni í Domino´s deild karla en þeir sigruðu Þór frá Þorlákshöfn 97-88 í TM-Höllinni í gær. Bæði lið voru taplaus fyrir leikinn og var því búist við spennandi leik. Mestan hluta leiks leit þó út fyrir öruggan heimasigur en í fjórða leikhluta virtist sem álög væru á körfu heimamanna enda vildi boltinn ekki ofan í körfuna. Gestirnir gengu á lagið og minnstur varð munurinn 3 stig.
Eins og áður hefur komið fram er orðið uppselt á Þorrablót Keflavíkur auk þess sem rúmlega 40 manns eru komnir á biðlista. Því er mjög mikilvægt að þeir sem hafa pantað borð og miða staðfesti miðakaupin hið fyrsta en eigi síðar en 15. nóvember nk. Séu miðar ekki greiddir og sóttir fyrir þann tíma gæti komið til þess að pantaðir miðar verði seldir öðrum.
Keflavíkurstúlur töpuðu sínum fyrsta leik í Domino´s deild kvenna í gær þegar þær biðu lægri hlut gegn Haukum á útivelli 92-61. Keflavík leiddi eftir fyrsta leikhluta en í öðrum leikhluta skildu leiðir og héldu Haukar öruggri forystu út leikinn eftir það.
Keflvíkingar eiga loksins heimaleik í Domino´s deild karla í körfubolta á morgun, fimmtudag, þegar liðið mætir Þór frá Þorlákshöfn í TM-Höllinni. Leikurinn hefst kl. 19.15 og má búast við hörkuleik enda bæði liðin ósigruð það sem af er móti.
Keflvíkingar unnu sinn sjöunda leik í röð í Domino´s deild kvenna í körfubolta á sunnudag þegar liðið sigraði Snæfell með einu stigi, 68-69, en leikurinn fór fram á einum erfiðasta útivelli landsins á Stykkishólmi. Hjá Keflvíkingum voru þær Porsche Landry með 26 stjg, 5 fráköst og 8 stoðsendingar og Bryndís Guðmundsdóttir með 18 stig og 12 fráköst atkvæðamestar. Þá var Sara Rún Hinriksdóttir með 11 stig og 6 fráköst og Birna Valgarðsdóttir, sem mætt er aftur eftir meiðsli, með 6 stig og 6 fráköst. Aðrar voru með minna framlag.
Keflvíkingar unnu sannfærandi, 76-94, sigur á Valsmönnum í fjórðu umferð Domino´s deidlar karla í gærkveldi en leikurinn fór fram í Vodafonehöllinni. Heimamenn voru sterkari aðilinn í fyrsta leikhluta og svo virtist sem örlítið kæruleysi einkenndi leik gestanna. Um miðjan annan leikhluta tóku Keflvíkingar handbremsuna af og um leið í annan gír var komið var forystan orðin um tíu stig. Meira þurfti ekki, Keflvíkingar flökkuðu milli annans og þriðja gírs út leikinn og innbyrtu að lokum öruggan 18 stiga sigur.
Körfuknattleiksdeild Keflavíkur mun halda hina árlegu sviðaveislu föstudaginn 22. nóvember nk. í félagsheimili Keflavíkur í TM-Höllinni. Framreidd verða heit og köld svið ásamt öðru stórfenglegu góðmeti.
