Í kvöld kl. 19.15 mætast Keflavík og Valur í 1. leik úrslitakeppninnar í Domino´s deild kvenna en leikið er í Toyotahöllinni. Ljóst er að leikurinn mun koma til með að verða æsispennandi enda eru þetta liðin sem mættust í bikarúrslitum þar sem Keflavík hafði sigur.
Keflvíkingar eru byrjaðir að smala í rútuferð til Garðabæjar á morgun en hún verður farin stundvíslega kl. 17.30 frá íþróttahúsinu í Keflavík - Toyota höllinni. Kostnaðinum verður haldið í algjöru lágmarki og mun ferðin kosta 1000 kr. á mann en sæti eru fyrir 50 í rútunni. Pumasveitin jr. mun hópast í rútuna og verður því stuð og stemmning hjá þeim ungu og vösku sveinum. Mætið stundvíslega - fyrstir koma fyrstir fá!
Áfengi er stranglega bannað í rútunni. Verði vart við áfengi verður sá hinn sami bannaður aðgangur á leiki Keflavíkur í framtíðinni.
Í kvöld fer fram lokaumferðin í Dominosdeild kvenna og til Keflavíkur mætir lið Fjölnis sem bíður það leiðinda hlutskipti að fara niður um deild næsta árið. Þær koma vonandi tvíefldar til baka að þ...
Keflvíkingar urðu í gær Íslandsmeistarar í 8. flokki drengja þegar þeir lögðu Fjölni í úrslitaleik 44-40 sem var stórskemmtilegur og æsispennandi þó Keflvíkingar hafi leitt allan leikinn. Síðustu t...
Leikmenn meistaraflokks Keflavíkur heimsóttu grunnskóla Keflavíkur í morgun til að auglýsa leik liðsins gegn Stjörnunni í 8-liða úrslitum Domino´s deildarinnar sem fram fer á sunnudag kl. 19.15 í Toyotahöllinni.
Stjórn Körfuknattleiksdeildar Keflavíkur (KKDK) vill koma á framfæri afsökunarbeiðni til Stjörnunnar og starfsfólks félagsins vegna ólíðandi framkomu nokkurra stuðningsmanna Keflavíkur á leik liðanna í 8-liða úrslitum Domino´s deildar karla í körfubolta og fjallað hefur verið um á vefsíðunni www.sport.is. KKDK hefur reynt eftir fremsta megni að koma í veg fyrir framkomu sem þessa. Hefur þannig verið biðlað til stuðningsmanna félagsins að fylgja þeim reglum sem eru í gildi um meðferð áfengis á kappleikjum, sýna mótherjanum og starfsfólki hans ávalt virðingu og einbeita sér að því að styðja Keflavíkurliðið til góðra verka á leikvellinum. Vitað er hverjir umræddir aðilar eru og sem betur fer eru þeir aðeins brot af annars frábærum stuðningsmönnum félagsins.
Keflavík tapaði í gær fyrsta leiknum í rimmunni við Stjörnuna í 8-liða úrslitum Domino´s deildarinnar í körfubolta. Eftir frábæran 1. leikhluta af hálfu Keflvíkinga, þar sem vörnin var aðalsmerki liðsins, jafnaðist leikurinn nokkuð og slaknaði á vörninni. Fór það svo að Stjarnan leiddi með fjórum stigum í hálfleik, 54-50.
Keflavík mætir Stjörnunni í kvöld kl. 19.15 í Garðabæ í 8-liða úrslitum Domino´s deildarinnar, eins og allir ættu að þekkja. Það styttist því í þessa örrustu sem flestir telja að verði mjög spennandi og geti farið hvernig sem er. Valur Orri Valsson, leikstjórnandi Keflavíkur, virðist tilbúinn að heyja mikla baráttu en við lögðum fyrir hann nokkrar laufléttar spurningar rétt í þessu.
